Data e Përditësimit të Fundit: 08 Dhjetor 2025
1. Hyrje dhe Pranimi i Kushteve
Mirësevini në MGDigital. Këto terma dhe kushte rregullojnë marrëdhënien midis MGDigital ("Agjencia",
"Ne") dhe Klientit ("Ju") për shërbimet tona, të cilat përfshijnë Web Design, Web Development, Software
Development, Hosting dhe Branding. Me pranimin e ofertës sonë ose fillimin e bashkëpunimit, ju pranoi të
jeni të lidhur ligjërisht nga këto kushte.
2. Pagesat dhe Struktura e Faturimit
Për të lehtësuar bashkëpunimin, struktura e pagesës ndryshon në bazë të madhësisë së projektit:
A. Për Projekte të Thjeshta (Landing Pages / One-Page Websites):
- Pa Paradhënie: Për faqe të thjeshta promovuese (Landing Pages), nuk kërkohet
depozitë fillestare. Puna fillon menjëherë pas konfirmimit.
- Pagesa Totale: Shuma e plotë (100%) paguhet pasi projekti të jetë përfunduar dhe
miratuar nga klienti (Demo Version), por përpara publikimit zyrtar (Launch).
B. Për Projekte Standarde/Komplekse (E-commerce, Faqe me shumë faqe, Softuerë):
- Depozita (30%): Kërkohet një pagesë paraprake prej 30% të vlerës totale për të
nisur punën.
- Pagesa Përfundimtare (70%): Pjesa e mbetur paguhet në përfundim të fazës së
zhvillimit, para publikimit online.
Kushti për Publikim (Për të gjitha projektet): Në asnjë rast Agjencia nuk
do ta publikojë faqen online (live) dhe nuk do të dorëzojë kodin apo akseset përfundimtare pa u
likuiduar 100% e pagesës.
3. Hosting (Strehimi) dhe Serverat
- Detyrimi për Hosting: Për të garantuar performancën, sigurinë dhe mirëmbajtjen e
standardeve tona, faqet e internetit të zhvilluara nga MGDigital do të strehohen (hostohen)
ekskluzivisht në serverat e menaxhuar nga ne.
- Pagesat e Hosting: Klienti është i detyruar të paguajë tarifën vjetore (ose mujore)
për shërbimin e hosting direkt tek MGDigital.
- Moskryerja e Pagesës: Nëse pagesa për rinovimin e hosting nuk kryhet brenda afatit,
MGDigital rezervon të drejtën të pezullojë shërbimin (offline) derisa detyrimi të shlyhet.
4. Procesi i Punës dhe Revizionet (Ndryshimet)
- Revizionet e Përfshira: Në çmimin e dakorduar përfshihen deri në 5 (pesë) raunde
revizionesh (ndryshimesh) mbi dizajnin ose funksionalitetet.
- Revizionet Shtesë: Çdo kërkesë pas ezaurimit të 5 raundeve fillestare tarifohet
ekstra (5% e vlerës totale për çdo revizion).
- Vonesat nga Klienti: Nëse klienti nuk kthen përgjigje/materiale për 1 muaji (30
ditë), projekti konsiderohet i braktisur dhe mund të mbyllet nga Agjencia.
5. Përmbajtja dhe Materialet
- Përgjegjësia e Klientit: Klienti siguron tekstet, imazhet dhe videot, përveç
rasteve kur bihet dakord ndryshe.
- Vonesat: Vonesa në dërgimin e materialeve nga Klienti shtyn automatikisht afatin e
dorëzimit të projektit.
6. Politika e Anulimit
- E drejta e Anulimit: Klienti mund të anulojë projektin në çdo moment.
- Për Landing Pages (Pa depozitë): Nëse anuloni një projekt të thjeshtë para pagesës
finale, nuk keni detyrime financiare, por humbisni çdo të drejtë mbi punën e bërë deri në atë
moment.
- Për Projekte Komplekse (Me depozitë): Në rast anulimi, depozita fillestare prej 30%
është e pakthyeshme për të mbuluar kohën e punës.
7. Garancia Teknike (30 Ditë)
- Periudha: 30 ditë garanci pas publikimit (Launch).
- Mbulimi: Rregullim falas për çdo defekt teknik ("bug") ose error në kod.
- Përjashtimet: Nuk mbulon ndryshime dizajni apo shtim funksionalitetesh të reja.
8. Siguria Kibernetike dhe Përgjegjësia
- Garancia: Në rast hakerimi për shkak të kodit tonë, MGDigital merr përsipër
përgjegjësinë.
- Rimbursimi: Ofrojmë rimbursim 50% të vlerës së projektit nëse cënohet siguria.
- Kufizimi: Përveç rimbursimit, nuk mbajmë përgjegjësi për humbje fitimi apo dëme
indirekte.
9. Pronësia Intelektuale dhe Kreditet
- Pronësia: Klienti bëhet pronar i plotë i kodit dhe dizajnit vetëm pas pagesës së
plotë.
- Kreditet: MGDigital rezervon të drejtën të vendosë linkun "Designed by MGDigital"
në fund të faqes (Footer).
10. Ligji i Zbatueshëm
Këto terma rregullohen sipas ligjeve të Republikës së Shqipërisë.